Martın 24-də Azərbaycanda yağışlı və küləkli hava şəraiti gözlənilir
Agah.az məlumat verir ki, Azərbaycanda martın 24-də gözlənilən hava şəraiti açıqlanıb.
Milli Hidrometeorologiya Xidmətinin məlumatına görə, sabah Bakıda və Abşeron yarımadasında hava bəzi yerlərdə arabir yağıntılı olacaq. Yarımadanın ayrı-ayrı bölgələrində intensiv yağıntılar və şimşək çaxacağı ehtimalı var. Arabir güclənən şimal-qərb küləyi də müşahidə ediləcək.
Bakıda və Abşeron yarımadasında havanın temperaturu gecə 4-7° isti, gündüz isə 7-10° isti olacaq. Atmosfer təzyiqi 771 mm civə sütunu təşkil edəcək və nisbi rütubət 70-80% olacaq.
Azərbaycanın digər rayonlarında da bəzi yerlərdə fasilələrlə yağıntılı hava şəraiti gözlənilir. Ayrı-ayrı bölgələrdə intensiv yağıntılar, şimşək çaxması və dolu düşməsi ehtimalı var. Dağlıq ərazilərdə isə qar yağacağı gözlənilir. Səhər saatlarından başlayaraq qərb rayonlarında yağıntılar tədricən kəsiləcək. Bəzi bölgələrdə arabir duman müşahidə ediləcək. Qərb küləyi bəzi yerlərdə güclənəcək.
Havanın temperaturu ölkənin digər rayonlarında gecə 2-7° isti, gündüz isə 9-14° isti olacaq. Dağlıq ərazilərdə gecə 5-10° şaxta, gündüz isə 0-5° isti olacağı gözlənilir.
