Kürdəxanıda dəhşətli yanğın: Bir ailənin üç üzvü həyatını itirdi
Agah.az xəbər verir ki, Bakı şəhərinin Sabunçu rayonunun Kürdəxanı qəsəbəsində güclü yanğın baş verib.
Yanğın nəticəsində ümumi sahəsi 80 m² olan, birmərtəbəli 3 otaqlı ev tamamilə yanıb. İlkin araşdırmalar zamanı evin qəsəbə sakini, 1950-ci il təvəllüdlü Sevil Ağaəli qızı Səlimovaya məxsus olduğu müəyyən edilib. Hadisə nəticəsində ev sahibi S.Səlimova, onun qızı, 1980-ci il təvəllüdlü Nailə və 2013-cü il təvəllüdlü nəvəsi Hüseyn həyatını itirib.
Faktla bağlı araşdırmalar davam etdirilir.
Açar sözlər: Kürdəxanı, yanğın, Sabunçu rayonu, ölüm, ailə faciəsi, istintaq.
