Şəkidə ağır yol qəzası: iki nəfər öldü, bir nəfər yaralandı
Agah.az xəbər verir ki, Yevlax-Zaqatala-Gürcüstan avtomobil yolunun Şəki rayonunun Suçma kəndi ərazisində ağır yol-nəqliyyat hadisəsi baş verib.
Səhər saatlarında “VAZ-2106” və “Mercedes” markalı avtomobillərin toqquşması nəticəsində “VAZ”ın sərnişini, Zaqatala rayon sakini, 1977-ci il təvəllüdlü Vüqar Ramazanov və “Mercedes”in sürücüsü, Şəki şəhər sakini, 1992-ci il təvəllüdlü Allahyar Qəhrəmanov hadisə yerində dünyasını dəyişiblər.
Qəza zamanı “VAZ-2106”nın sürücüsü, 43 yaşlı Qəşəm Mustafazadə xəsarət alıb.
Daxili İşlər Nazirliyinin Mətbuat Xidmətinin Şəki regional qrupundan bildirilib ki, faktla bağlı cinayət işi başlanılıb və istintaq aparılır.
