Bakıda quldurluq: Kişini evinin qarşısında döyüb qarət etdilər
Agah.az xəbər verir ki, Bakının Yasamal rayonu ərazisində quldurluq hadisəsi baş verib.
Məlumata görə, naməlum şəxs Azər Mehdiyevi evinin qarşısında döyərək yerə yıxıb və onun üzərində olan dəyərli əşyaları götürüb. Quldur zərərçəkənin 400 manat dəyərində “Redmi Note 12” markalı mobil telefonunu və 400 manatlıq “Huawei” qol saatını ələ keçirərək hadisə yerindən uzaqlaşıb.
Zərərçəkən dərhal hüquq-mühafizə orqanlarına müraciət edib. Polis əməkdaşlarının keçirdiyi əməliyyat tədbirləri nəticəsində hadisəni törətməkdə şübhəli bilinən 35 yaşlı Anar Babayev saxlanılıb.
Faktla bağlı quldurluq maddəsi üzrə cinayət işi başlanıb.
Açar sözlər: Bakı, quldurluq, Yasamal rayonu, qarət, cinayət, polis əməliyyatı.
