Bakıda Yeni Parkın Salınmasına Başlanılıb

Agah.az xəbər verir ki, Bakı şəhərində yeni parkın salınmasına start verilib. Park Nərimanov rayonu, Əhməd Bəy Ağaoğlu, Təbriz və Tələt Şıxəliyev küçələrinin əhatəsində, keçmiş “Şuşa” restoranı və “Şəhriyar” parkının yerində inşa edilir.

Bu məqsədlə Bakı Şəhər İcra Hakimiyyəti nəzdində fəaliyyət göstərən “Bakı Şəhər Əsaslı Tikinti və Təmir” MMC müvafiq işlərə başlayıb. Hazırda parkın layihə-smeta sənədlərinin hazırlanması prosesi gedir.

Yeni parkın iyul ayının sonuna qədər tam istifadəyə verilməsi planlaşdırılır.