“Koroğlu” stansiyasında sərnişin sıxlığı yaşanıb
Agah.az xəbər verir ki, bu gün “Bakı Metropoliteni” QSC-nin “Koroğlu” stansiyasında sərnişin sıxlığı müşahidə olunub.
Qurumun açıqlamasına görə, stansiyanın infrastrukturu ilə bağlı hər hansı texniki problem qeydə alınmayıb. Metropoliten rəhbərliyi sərnişinlərin təhlükəsiz hərəkətini təmin etmək üçün əlavə nəzarət mexanizmlərinin mövcud olduğunu bildirib.
Qeyd olunub ki, ümumilikdə metropolitenin infrastrukturu, o cümlədən qatarlar saz vəziyyətdədir.
