Konstaninos Tasulas Yunanıstanın yeni prezidenti oldu
Agah.az xəbər verir ki, Yunanıstan parlamentinin keçmiş sədri Konstaninos Tasulas prezident vəzifəsinə başlayıb, Katerina Sakellaropulunu əvəz edib.
Fevral ayında Yunanıstan parlamenti, Konstaninos Tasulası respublikanın yeni prezidenti seçib. Səsvermənin dördüncü turunda o, 160 səs toplayıb. Seçkilərdə parlamentin 300 üzvündən 276-sı iştirak edib və seçilmək üçün namizədlərin ən azı 151 səs alması tələb olunurdu. Tasulasa hakim mühafizəkar “Yeni Demokratiya” partiyasından 156 deputat, keçmiş baş nazir Antonis Samaras və üç müstəqil deputat səs verib.
