Gəncədə təhlükəli attraksionların fəaliyyəti dayandırıldı
Agah.az xəbər verir ki, Gəncə şəhərində yerləşən bəzi attraksionların istismarı dayandırılıb. Bu barədə Fövqəladə Hallar Nazirliyi (FHN) məlumat yayıb.
Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin müfəttişləri Yeni Gəncə qəsəbəsində fərdi sahibkar Mehdiyev Şahmar Fuad oğluna məxsus attraksionlarda yoxlama aparıblar.
Yoxlama zamanı doqquz attraksionda təhlükəli pozuntular aşkarlanıb. Xüsusilə, torpaqlanma konturunun və elektrik naqillərinin izolyasiyalarının ölçülmədiyi, attraksionların texniki müayinədən keçirilmədiyi müəyyən edilib.
Aşkar olunan çatışmazlıqlar insan həyatı və sağlamlığı üçün təhlükə yaratdığı üçün attraksionların fəaliyyəti dərhal dayandırılıb. Pozuntuların aradan qaldırılması üçün müvafiq akt sahibkara təqdim edilib.
Açar sözlər: Gəncə attraksionları, FHN yoxlaması, təhlükəsizlik pozuntusu, attraksionların bağlanması, insan həyatı üçün təhlükə, Mehdiyev Şahmar Fuad.
