Rusiya HHM qüvvələri 337 Ukrayna PUA-sını vurub
Agah.az xəbər verir ki, ötən gecə Rusiya Hava Hücumundan Müdafiə Qüvvələri ölkənin müxtəlif regionları üzərində Ukraynaya məxsus 337 pilotsuz uçuş aparatını (PUA) məhv edib.
Rusiya Müdafiə Nazirliyinin məlumatına görə, bu, 2025-ci ildə indiyədək qeydə alınan ən böyük hücum olub.
“Ötən gecə ərzində HHM vasitələri ilə ümumilikdə 337 Ukrayna PUA-sı vurulub. Onlardan 91-i Moskva vilayəti, 126-sı Kursk vilayəti, 38-i Bryansk vilayəti, 25-i Belqorod vilayəti, 22-si Ryazan vilayəti, 10-u Kaluqa vilayəti, 8-i Lipetsk vilayəti, 8-i Oryol vilayəti, 6-sı Voronej vilayəti, 3-ü isə Nijni Novqorod vilayəti ərazisində məhv edilib”, – deyə nazirlikdən bildirilib.
