Lerikdə 4 maqnitudalı zəlzələ baş verib
Agah.az xəbər verir ki, Lerik rayonunda 4 maqnitudalı zəlzələ qeydə alınıb.
Respublika Seysmoloji Xidmət Mərkəzinin məlumatına görə, yeraltı təkanlar Yardımlı seysmoloji stansiyasından 11 km cənub-qərbdə, Lerik ərazisində baş verib. Zəlzələ episentrdə 4 bala, Lerik, Yardımlı və digər rayonlarda isə 3-4 bala qədər hiss olunub.
Yeraltı təkanlar yerli vaxtla saat 07:49-da qeydə alınıb və ocağı 15 km dərinlikdə yerləşib.
