Sabah bölgələrdə hava 22 dərəcəyədək isti olacaq

Agah.az xəbər verir ki, martın 6-da ölkə ərazisində hava şəraitinin əsasən yağmursuz keçəcəyi gözlənilir.

Milli Hidrometeorologiya Xidmətinin məlumatına görə, Naxçıvan Muxtar Respublikasında gecə 3 dərəcə şaxtadan 2 dərəcəyədək isti, gündüz isə 15-20 dərəcə isti olacaq.

Qarabağ və Şərqi Zəngəzur bölgəsində gecə 3 dərəcə şaxtadan 2 dərəcəyədək isti, gündüz isə 10-15 dərəcə isti müşahidə ediləcək.

Gəncə-Qazax bölgəsində gecə 3-7, gündüz isə 15-20 dərəcə isti gözlənilir.

Şəki-Zaqatala və Quba-Xaçmaz bölgəsində də oxşar hava şəraiti hökm sürəcək. Burada gecə 1-6, gündüz 15-20 dərəcə, dağlıq ərazilərdə isə gecə 2 dərəcə şaxtadan 3 dərəcəyədək isti, gündüz 10-15 dərəcə isti olacaq.

Mərkəzi Aran bölgəsində hava şəraiti nisbətən isti keçəcək. Burada gecə 3-8, gündüz 17-22 dərəcə isti gözlənilir.

Lənkəran-Astara bölgəsində isə gecə 3-7, gündüz 13-18, dağlıq ərazilərdə isə gecə 3-6, gündüz 11-16 dərəcə isti olacaq.

Ümumilikdə, ölkə ərazisində mülayim şərq küləkləri müşahidə ediləcək və hava şəraiti sabit qalacaq.