Bakının Mərkəzi Küçəsində Hərəkət İstiqaməti Dəyişdi: Sürücülərə Xəbərdarlıq

Dostuna göndər xəbərdən agah olsun:

Agah.az xəbər verir ki, bu gündən etibarən Bakının mərkəzi küçələrindən biri olan Üzeyir Hacıbəyli küçəsində yol hərəkətinin istiqaməti dəyişdirilir. Bakı Şəhər Dövlət Yol Polisi İdarəsi (BŞDYPİ) və Azərbaycan Yerüstü Nəqliyyat Agentliyi (AYNA) birgə məlumat yayıb.

Yusif Səfərov küçəsi ilə hərəkət edən nəqliyyat vasitələri Ü. Hacıbəyli küçəsinin sağ kənar yoluna daxil olduqda yolun mərkəz hissəsinə keçə bilməyəcəklər. Onlar hərəkəti düz davam etdirib sağa Nizami küçəsinə yönələcəklər. Həmin ərazidə yerləşən yeraltı parkinqdən çıxan avtomobillər isə birbaşa Ü. Hacıbəyli küçəsinin mərkəzi yoluna daxil ola biləcəklər.

Müvafiq nişanlar sözügedən ərazidə quraşdırılacaq. Yol hərəkətinin təşkilində edilən bu dəyişiklik Ü. Hacıbəyli küçəsində yarana biləcək sıxlıqların qarşısının alınması, ümumi istifadədə olan nəqliyyat vasitələrinin rahat və fasiləsiz hərəkətinin təmin edilməsi məqsədilə həyata keçirilir.