Tibb Universitetində rüşvət alan 6 müəllim işdən çıxarıldı
Agah.az xəbər verir ki, son 7 ildə Azərbaycan Tibb Universitetində tələbələrdən rüşvət alan 6 müəllim işdən uzaqlaşdırılıb.
Bu barədə universitetin rektoru Gəray Gəraybəyli “Xəzər Xəbər”ə müsahibəsində məlumat verib. Onun sözlərinə görə, hazırda universitetdə rüşvət və ya qeyri-qanuni ödəmələrə yol verilmir.
Rektor qeyd edib ki, ölkədə plastik-estetik cərrahların sayı çox olsa da, bu sahədə rezidentura təhsili alan tələbə sayı cəmi 7 nəfərdir, məzun olanlar isə 3 nəfərdir.
Bundan əlavə, universitetin yataqxanasının tələbələrin ehtiyaclarını tam qarşılamadığını bildirən Gəraybəyli yeni yataqxananın tikilməsinin planlaşdırıldığını vurğulayıb.
Rektor sosial şəbəkələrdə universitet tələbələrinin adına saxta səhifələr yaradılaraq qeyri-etik paylaşımlar edilməsi məsələsinə də toxunub. Hazırda hüquq-mühafizə orqanları bu halları araşdırır və bir neçə tələbənin şikayəti əsasında lazımi tədbirlər görülür.
Açar sözlər: Tibb Universiteti, Gəray Gəraybəyli, rüşvət, müəllimlərin işdən çıxarılması, plastik-estetik cərrah, universitet yataqxanası, sosial şəbəkələr, hüquq-mühafizə orqanları.
