Məşhur bloqer silahlı hücuma məruz qaldı: özünü müdafiə edərək atəş açdı
Agah.az xəbər verir ki, dünyanın ən məşhur strimerlərindən biri, bloqer Keytlin “Amouranth” Siragusa silahlı qarətə məruz qalıb. O, bu barədə özünün “X” hesabında məlumat verib.
Siragusa bildirib ki, cinayətkarlar onun yatağına hücum edərək, başına silah dayayıb və qışqıraraq kriptovalyuta tələb ediblər. Daha sonra onu silahla vurublar. Bloqer quldurlardan birinə atəş açdığını qeyd edib.
“Mən tamamilə qana batmışam, amma bunun yalnız bir hissəsi mənə aiddir. Daha sonra ətraflı məlumat verəcəyəm, amma indi təhlükəsizlikdəyəm”, – deyə o bildirib.
Bloqer polis çağırmağı bacarıb və hazırda xəstəxanaya yerləşdirilib.
Siragusa sonuncu dəfə 2024-cü ilin noyabrında kriptovalyuta balansını nümayiş etdirmişdi. O zaman onun “Bitcoin” hesabında 20 milyon dollar var idi. O, “Wildcard Gaming” klubunun sahibidir və 18+ kontent yaradır.
Açar sözlər: Amouranth, bloqer, strimer, silahlı hücum, qarət, kriptovalyuta, təhlükəsizlik, polis, xəstəxana.
