Bakı və Abşeronda hava şəraiti pisləşir: Yağış, axşama doğru isə qar gözlənilir

Agah.az xəbər verir ki, Bakıda və Abşeron yarımadasında hava şəraiti kəskin dəyişəcək. Sinoptiklərin proqnozuna əsasən, gün ərzində yağıntılı hava müşahidə olunacaq. Axşama doğru isə havanın temperaturunun enməsi ilə yağışın sulu qara və qara keçəcəyi gözlənilir.

Mütəxəssislər bildirirlər ki, havanın dəyişməsi ilə yanaşı, küləyin güclənməsi də ehtimal olunur. Sürücülərə və piyadalara ehtiyatlı olmaları tövsiyə edilir. Yol hərəkətində iştirak edənlərə xüsusilə diqqətli olmaları, sürüşkən yollarda təhlükəsizlik qaydalarına riayət etmələri məsləhət görülür.

Qeyd edək ki, hava şəraitinin pisləşməsi ilə əlaqədar aidiyyəti qurumlar gücləndirilmiş rejimdə fəaliyyət göstərəcək.