Bəhreynin Vəliəhdi Leyla Əliyevanı qəbul etdi
Agah.az xəbər verir ki, Heydər Əliyev Fondunun vitse-prezidenti Leyla Əliyeva Bəhreyn Krallığının Vəliəhdi və Baş naziri Salman bin Həməd Al Xəlifə ilə görüşüb.
Görüşdə Azərbaycan və Bəhreyn arasında yüksək səviyyəli münasibətlər və müxtəlif sahələrdə əməkdaşlığın genişləndirilməsinin vacibliyi vurğulanıb. Vəliəhd Azərbaycan dövlətinin qlobal problemlərin həllinə verdiyi töhfələri və COP29 tədbirinə ev sahibliyi etməsini yüksək qiymətləndirib.
Leyla Əliyevanın IDEA İctimai Birliyi çərçivəsində ətraf mühitin qorunmasına dair təşəbbüsləri müsbət dəyərləndirilib. Həmçinin “MAMA – Ana təbiət” sərgisinin Bəhreyndə təşkilinə görə təşəkkür bildirilib.
Görüşdə Azərbaycan və Bəhreyn arasında gələcək əməkdaşlıq planları, xüsusilə “Ekspo 2025” sərgisi və “Formula-1” yarışları ilə bağlı müzakirələr aparılıb.
Açar sözlər: Bəhreyn Vəliəhdi Leyla Əliyeva görüşü, Azərbaycan-Bəhreyn əməkdaşlığı, COP29 tədbiri, IDEA İctimai Birliyi, “Ekspo 2025”, Formula-1 yarışı.
