Bakıda aptekdən oğurluq edən şəxs saxlanıldı
Agah.az xəbər verir ki, Binəqədi rayonu ərazisində aptekdən oğurluq edən şəxs polis tərəfindən saxlanılıb.
Daxili İşlər Nazirliyindən verilən məlumata görə, fevralın 22-də Binəqədi rayonu ərazisində yerləşən apteklərin birindən 500 manatın oğurlanması barədə polisə məlumat daxil olub.
Binəqədi RPİ-nin 40-cı Polis Bölməsinin əməkdaşlarının keçirdiyi əməliyyat nəticəsində oğurluqda şübhəli bilinən, əvvəllər də oğurluq və narkotiklərlə əlaqəli cinayətlərə görə məhkum olunmuş 27 yaşlı S. Bəkirov müəyyən edilərək saxlanılıb.
Faktla bağlı araşdırma aparılır.
Açar sözlər: aptek oğurluğu, Binəqədi rayonu, polis əməliyyatı, saxlanılma, Daxili İşlər Nazirliyi, S. Bəkirov, cinayət araşdırması
