Qaradağ rayonunda ağır yol-nəqliyyat hadisəsi: iki nəfər ölüb, bir nəfər yaralanıb

Agah.az xəbər verir ki, Qaradağ rayonunun Lökbatan qəsəbəsindən Xocəsən istiqamətində baş verən yol qəzası iki nəfərin ölümü, bir nəfərin isə yaralanması ilə nəticələnib.

Bakı Şəhər Dövlət Yol Polisi İdarəsinin bölmə rəisi Toğrul Nəsirlinin verdiyi məlumata görə, hadisə fevralın 19-da saat 20:00 radələrində qeydə alınıb. BMW markalı 90-UC-335 dövlət nömrə nişanlı avtomobil “Mercedes-Benz” markalı 99-UL-901 dövlət nömrə nişanlı avtomobillə toqquşub.

Qəza nəticəsində BMW-nin sürücüsü Şövqü Kərimov və həyat yoldaşı Aytac Kərimova hadisə yerində dünyasını dəyişiblər. Avtomobildə olan digər sərnişin, 17 yaşlı Nurlan Kərimov isə ağır xəsarət alaraq xəstəxanaya yerləşdirilib.

Faktla bağlı araşdırma aparılır.

Açar sözlər: Qaradağ rayonu, yol qəzası, Lökbatan, Xocəsən, BMW, Mercedes-Benz, ölüm, yaralı, polis araşdırması