Saray Körpüsündə İşlər Sürətlə Davam Edir: Son vəziyyət necədir?

Dostuna göndər xəbərdən agah olsun:

Agah.az xəbər verir ki, Sumqayıt şəhərini Abşeron rayonunun Saray qəsəbəsi ilə birləşdirən Məhəmməd Əsədov küçəsində yerləşən yeni körpünün tikintisi sürətlə davam edir. Tikinti Azərbaycan Respublikası Prezidentinin Sərəncamına uyğun olaraq Azərbaycan Avtomobil Yolları Dövlət Agentliyi tərəfindən həyata keçirilir.

104 metr uzunluğu və 4 hərəkət zolağı ilə inşa edilən körpünün sağ və sol hissələrində piyada səkilərinin tikintisi də nəzərdə tutulub. Hazırda orta aşırım tirləri quraşdırılır və digər betonlanma işləri aparılır.

Körpü konstruksiyasında qəzalı vəziyyətin aşkar edilməsindən sonra onun tam sökülərək yenisinin tikilməsi qərara alınıb. Ərazidə sürətli işlərin görülməsi üçün geniş texnika və işçi qüvvəsi cəlb edilib.