Zəngəzur Kombinatında Silahlı Toqquşma: 8 Nəfər Saxlanıldı

Agah.az “Sputnik”ə istinadən xəbər verir ki, Zəngəzur mis-molibden kombinatında tətil edən və tətillə qarşı çıxan işçilər arasında silahlı toqquşma baş verib. Hadisə zamanı bir neçə nəfərin xəsarət aldığı bildirilib.

Ermənistan Daxili İşlər Nazirliyinin Mətbuat Xidmətinə istinadən verilən məlumata görə, tətilçilər odlu silah və bıçaqlarla kombinatda işləməyə davam etmək istəyən şəxslərə hücum ediblər.

Polis dərhal hadisə yerinə müdaxilə edib və insidentin qarşısını alıb. Hazırda 8 nəfər saxlanılıb.

Qeyd edək ki, kombinat işçiləri bir neçə gündür əməkhaqlarının 50% artırılması tələbi ilə tətil keçirirlər. Kombinat rəhbərliyi isə bu tələbi qəbuledilməz hesab edir. Hazırda tərəflər arasında danışıqlar davam edir.

Açar sözlər: Zəngəzur kombinatı, silahlı toqquşma, tətil, əmək haqqı mübahisəsi, Ermənistan polisi, saxlanılanlar, işçi narazılığı.