Yardımlıda Narkotik Əməliyyatı: 20 Kiloqram Qanunsuz Maddə Aşkarlanıb

Dostuna göndər xəbərdən agah olsun:

Agah.az xəbər verir ki, Yardımlı rayonunda keçirilən əməliyyat zamanı külli miqdarda narkotik vasitə və psixotrop maddə aşkarlanıb.

Daxili İşlər Nazirliyinin Mətbuat Xidmətinin Lənkəran regional qrupundan verilən məlumata görə, Yardımlı Rayon Polis Şöbəsinin əməkdaşları qaçaqmal yolu ilə ölkə ərazisinə gətirilən narkotik vasitələri Bakı şəhərinə çatdırıb satışını təşkil etmək istəyən şəxsləri ifşa ediblər.

Əməliyyat zamanı 39 yaşlı Elvin Novruzov və əvvəllər məhkum olunmuş 36 yaşlı Əlövsət Mustafayev saxlanılıb. Onların İran vətəndaşından əldə etdiyi ümumilikdə 20 kiloqram heroin, marixuana və metamfetamin aşkarlanıb.

Faktla bağlı cinayət işi açılıb və saxlanılan şəxslər barəsində həbs qətimkan tədbiri seçilib. Araşdırmalar davam etdirilir.