Sumqayıtda rəsmi qeydiyyatda olan narkotik istifadəçilərinin sayı açıqlandı
Agah.az xəbər verir ki, Sumqayıt şəhər Narkoloji Dispanserində qeydiyyatda olan narkoloji xəstələrin ümumi sayı 5 min 695 nəfər təşkil edir.
Müəssisədən verilən məlumata görə, narkotik istifadəçilərinin sayı 4 min 145 nəfərdir ki, onlardan 97-si qadındır.
Bundan əlavə, dispanserdə alkoqolizm diaqnozu ilə qeydiyyatda olan 1 550 nəfər mövcuddur, onlardan 24-ü qadındır.
Mütəxəssislərin bildirdiyinə görə, narkoloji xəstələrin və narkotik istifadəçilərinin böyük hissəsi 20-45 yaş aralığında olan şəxslərdir.
