333 min manatı mənimsəyən həkimə qarşı məhkəmə qərarı qüvvədə qaldı
Ali Məhkəmədə özəl tibb mərkəzinin kardioloq həkimi Dilbər Həsənəliyevanın barəsindəki kassasiya şikayətinə baxış başa çatıb. Hakim İlqar Cəfərovun sədrliyi ilə keçirilən prosesdə qərar elan olunub və şikayət təmin edilməyib.
Agah.az Pravda.az-a istinadən xəbər verir ki, İttihama görə, Dilbər Həsənəliyeva hotel və tikinti biznesinə sərmayə adı ilə üç bacıya məxsus 333 677.98 manat vəsaiti mənimsəyib. Anası Tamilla Həsənəliyevanın rəfiqəsi və iş yoldaşı olan Aytən adlı qadına Goranboyda hotel tikmək təklifi verilib. Aytən Geologiya və Geofizika İnstitutunda aparıcı elmi işçi olub və Tamilla Həsənəliyevaya güvəndiyi üçün bu təklifə razılaşıb.
Bacılara məxsus mənzil satıldıqdan sonra 250 min manat depozitə qoyulub. Aytən bacılardan xəbərsiz bu vəsaiti çıxarıb və üstəlik 55 min manat kredit götürərək həkimə verib. Lakin Dilbər Həsənəliyeva pulları şəxsi ehtiyaclarına sərf edib.
Bakı Ağır Cinayətlər Məhkəməsinin qərarı ilə həkim 8 il müddətinə azadlıqdan məhrum edilib. Bakı Apellyasiya Məhkəməsi də bu hökmü qüvvədə saxlayıb.
Qısa başlıq: 333 min manatı mənimsəyən həkimin şikayəti təmin edilmədi
Açar sözlər: dələduzluq, Dilbər Həsənəliyeva, məhkəmə qərarı, hotel biznesi, 333 min manat, Aytən, Bakı Ağır Cinayətlər Məhkəməsi, kardioloq həkim
