Azərbaycanda 2030-cu ilədək məktəb avtobusları tətbiq ediləcək
Agah.az xəbər verir ki, Prezident İlham Əliyevin sərəncamı ilə təsdiqlənən “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı” çərçivəsində ümumi təhsil və məktəbəqədər təhsil müəssisələrində təhsil alan şagirdlərin rahat və təhlükəsiz daşınması üçün məktəb avtobuslarından istifadə təşkil ediləcək.
Dövlət Proqramına əsasən, Rəqəmsal İnkişaf və Nəqliyyat Nazirliyi, Elm və Təhsil Nazirliyi, Daxili İşlər Nazirliyi, Maliyyə Nazirliyi, İqtisadiyyat Nazirliyi, Azərbaycan Nəqliyyat və Kommunikasiya Holdinqi və Nəqliyyatı Əlaqələndirmə Şurası birgə əməkdaşlıqla 2025-2030-cu illərdə məktəb avtobuslarının tətbiqini təmin edəcək.
Bu tədbir şagirdlərin təhlükəsiz və rahat şəkildə daşınmasını təmin etməklə yanaşı, şəhərdə nəqliyyat sıxlığının azaldılmasına da kömək edəcək.
Açar sözlər: məktəb avtobusları, təhlükəsiz daşınma, nəqliyyat infrastrukturu, Dövlət Proqramı, Bakı şəhəri, təhsil müəssisələri.
