Səbail rayonunda genişmiqyaslı iməclik keçirildi
Agah.az xəbər verir ki, Bakı Şəhər İcra Hakimiyyəti və Səbail Rayon İcra Hakimiyyətinin təşkilatçılığı ilə Səbail rayonunda növbəti iməclik işləri həyata keçirilib. İməclik çərçivəsində Səbail rayon Mənzil-kommunal Təsərrüfat Birliyinin əməkdaşları tərəfindən ərazidə geniş təmizlik və abadlıq işləri görülüb.
Rayonun prospekt və küçələri, parkları təmizlənib, yeraltı piyada keçidləri, səkilər, bordyurlar, işıq dirəkləri, məhəccərlər, tullantı konteynerləri, reklam lövhələri, ağaclar və yaşıllıq zolaqları xüsusi olaraq yuyulub və səliqəyə salınıb. Eyni zamanda, ağaclar budanıb və onlara lazımi qulluq göstərilib.
Bu cür tədbirlər şəhərin təmizliyinin və yaşıllıqların qorunmasının təmin olunması məqsədilə mütəmadi olaraq davam etdirilir.
Açar sözlər: Səbail rayonunda iməclik, prospekt və küçələrin təmizlənməsi, yaşıllıqlara qulluq, ağacların budanması, Bakı təmizlik işləri.
(055) 436-46-45
