Bakıda dəyişkən buludlu, bəzi rayonlarda qar gözlənilir

Agah.az xəbər verir ki, Bakıda və Abşeron yarımadasında hava şəraiti dəyişkən buludlu və arabir tutulacaq. Günün birinci yarısında bəzi yerlərdə az çiskin olacağı ehtimal edilir. Şimal-şərq küləyi əsəcək.

Havanın temperaturu gecə 3-6°, gündüz 6-9° isti olacaq. Atmosfer təzyiqi 773 mm civə sütunu, nisbi rütubət isə 70-80% təşkil edəcək.

Azərbaycanın rayonlarında bəzi yerlərdə arabir yağıntılı hava müşahidə olunacaq, dağlıq ərazilərdə qar yağacağı gözlənilir. Səhər qərb rayonlarından başlayaraq yağıntılar tədricən kəsiləcək. Şərq küləyi əsəcək və bəzi yerlərdə duman müşahidə ediləcək.

Rayonlarda havanın temperaturu:

• Gecə 1-5°, gündüz 7-11° isti;
• Dağlıq ərazilərdə gecə 3-8°, yüksək dağlıq zonalarda 10-15° şaxta;
• Gündüz 3° şaxtadan 2°-dək isti olacaq.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45