Bakıda onlayn alqı-satqı təlimi adı ilə dələduzluq edən şəxs saxlanılıb
Agah.az xəbər verir ki, Nəsimi Rayon Polis İdarəsinə bir qrup şəxs ərizə ilə müraciət edərək, onlayn iş təklif edən şirkətlərdən birinin rəhbəri kimi təqdim olunan 27 yaşlı Rüfət Şirəliyevin dələduzluq etdiyini bildiriblər.
Araşdırmalar nəticəsində müəyyən edilib ki, Rüfət Şirəliyev, özünü “Instagram”da qeydiyyatsız olan bir şirkətin rəhbəri kimi təqdim edib və “Shopify” platforması üzərindən onlayn alqı-satqı etmək üçün təlim kursları təşkil edəcəyini deyib. O, kursu mənimsəyən şəxslərə yüksək gəlir əldə edəcəklərini vəd edərək, müxtəlif məbləğlərdə pul vəsaitlərini alıb.
Bundan başqa, o, bir neçə şəxsi guya hazır bizneslərini satacağı adı ilə aldadaraq, pul vəsaitlərini ələ keçirib, həmçinin təlimə gələnlərin noutbuklarını proqram köçürmək bəhanəsi ilə lombarda qoyaraq pul alıb.
Rüfət Şirəliyev polis tərəfindən saxlanılıb və faktla bağlı araşdırmalar davam etdirilir. Zərər çəkən başqa vətəndaşlar da polisə məlumat verə bilərlər.
Açar sözlər: dələduzluq, onlayn iş, təlim kursu, Instagram, Shopify, Rüfət Şirəliyev, Nəsimi Rayon Polis İdarəsi, lombarda qoyulmuş noutbuklar.
(055) 436-46-45
