Prezident İlham Əliyev Donald Trampa əməkdaşlıq mesajı göndərib

Agah.az xəbər verir ki, Azərbaycan Prezidenti İlham Əliyev ABŞ-ın 47-ci Prezidenti Donald Trampı vəzifəyə başlaması münasibətilə təbrik edib.

Prezident İlham Əliyev məktubunda Azərbaycan ilə ABŞ arasında enerji təhlükəsizliyi və əməkdaşlıq sahəsindəki ənənələri yüksək qiymətləndirdiyini bildirib. O, ABŞ-nin müttəfiqlərinin enerji təhlükəsizliyinin təmin olunmasında Azərbaycanla tərəfdaşlığını xüsusi vurğulayıb.

Dövlət başçısı həm ənənəvi, həm də yeni əməkdaşlıq sahələrində səmərəli birgə işin davam etdiriləcəyinə və iki ölkə arasında dostluq münasibətlərinin yeni məzmun kəsb edəcəyinə inandığını ifadə edib.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45