Xaçmazda narkotik və spirtli içkinin təsiri altında avtomobil idarə edən 25 sürücü saxlanılıb
Agah.az xəbər verir ki, Xaçmazda yol hərəkəti təhlükəsizliyini təmin etmək məqsədilə keçirilən profilaktik tədbirlər zamanı narkotik və spirtli içkinin təsiri altında avtomobil idarə edən 25 sürücü müəyyən edilib.
Daxili İşlər Nazirliyinin mətbuat xidmətinin Quba regional qrupundan verilən məlumata görə, Xaçmaz Rayon Polis Şöbəsinin Dövlət Yol Polisi Bölməsinin əməkdaşlarının son 5 gün ərzində həyata keçirdiyi tədbirlər zamanı narkotik vasitə qəbul edərək avtomobil idarə edən 14 sürücü saxlanılıb. Tibbi müayinələr nəticəsində bu şəxslərin narkotik təsiri altında olduğu müəyyən edilib. Sürücülər barəsində toplanan materiallar məhkəməyə göndərilib və hər biri 25 sutka inzibati həbs cəzası alıb.
Eyni zamanda, spirtli içki qəbul edərək avtomobil idarə edən daha 11 sürücü saxlanılıb və onlarla bağlı qanunvericiliyə uyğun inzibati protokollar tərtib olunub.
Xaçmaz rayonu ərazisində yol hərəkəti təhlükəsizliyinin təmin edilməsi məqsədilə bu cür tədbirlərin mütəmadi olaraq davam etdiriləcəyi bildirilib.
(055) 436-46-45
