Lənkəranda bazarda yanğın baş verib
Agah.az xəbər verir ki, Lənkəran şəhərinin İ.Səmədzadə küçəsində yerləşən bazar ərazisində yanğın baş verib. Bu barədə Fövqəladə Hallar Nazirliyinin (FHN) Mətbuat Xidməti məlumat yayıb.
Hadisə ilə əlaqədar “112” qaynar telefon xəttinə daxil olan müraciətdən sonra FHN-in Dövlət Yanğından Mühafizə Xidmətinin Lənkəran Rayon Yanğından Mühafizə Hissəsinin qüvvələri dərhal əraziyə cəlb olunub.
Yanğınsöndürənlərin çevik müdaxiləsi nəticəsində meyvə-tərəvəz satışı ilə məşğul olan mağazada baş verən yanğın genişlənməsinə imkan verilmədən söndürülüb. Yanğın zamanı ümumi sahəsi 9 kv.m. olan mağazanın talvar hissəsi 5 kv.m. sahədə yanıb.
Mağazanın digər hissələri və bitişik obyektlər yanğından qorunub.
Açar sözlər: Lənkəran bazar yanğını, FHN məlumatı, mağaza yanğını, Lənkəran hadisələri.
(055) 436-46-45
