Samuxda narkokuryerliklə məşğul olan şəxs saxlanıldı
Agah.az xəbər verir ki, Samux Rayon Polis Şöbəsinin əməkdaşları narkotik vasitələrin qanunsuz dövriyyəsi ilə məşğul olan, əvvəllər məhkum olunmuş 45 yaşlı Namiq Abdullayevi saxlayıblar.
DİN Mətbuat Xidmətinin Gəncə regional qrupundan verilən məlumata görə, saxlanılan şəxsdən ümumilikdə 16 kiloqrama yaxın marixuana, eləcə də güclü təsiredici narkotik vasitələr qrupuna daxil olan həşiş, tiryək və heroin aşkarlanıb.
Araşdırmalar zamanı Namiq Abdullayevin maddi qazanc müqabilində narkokuryerliyə cəlb olunduğu müəyyən edilib. O, qaçaqmalçılıq yolu ilə ölkəyə gətirilən narkotik vasitələri müxtəlif bölgələrə çatdırmağı planlaşdırıb.
Faktla bağlı araşdırmalar davam etdirilir.
Açar sözlər: Samux narkokuryer, narkotik vasitələr, marixuana, tiryək, heroin, qaçaqmalçılıq, narkotik dövriyyəsi.
(055) 436-46-45
