“Embawood” atmosferi çirkləndirdiyinə görə cərimələnib
Agah.az xəbər verir ki, Abşeron rayonu, Xırdalan şəhərində yerləşən “Embawood” MMC-nin istehsalat sahəsindən atmosfer havasına tüstünün yayılması ilə bağlı Dövlət Ekoloji Təhlükəsizlik Xidmətinə (DETX) daxil olan şikayət araşdırılıb və fakt təsdiqini tapıb.
DETX-nin rəsmisi Asif Məcidovun sözlərinə görə, Ekoloji Təhlükəsizlik Xidmətinin və Ətraf Mühitin Çirklənməsinin Monitorinq Qrupunun əməkdaşları tərəfindən aparılan araşdırma zamanı müəssisənin istehsalat sahəsindən atmosferə atılan tullantıların miqdarının normanı aşdığı müəyyən edilib.
“Faktla bağlı akt tərtib olunub və müəssisənin hüquqi şəxs kimi cərimələnməsi üçün qanuna uyğun tədbirlər həyata keçirilir,” – deyə A.Məcidov qeyd edib.
Açar sözlər: Embawood MMC cəriməsi, atmosfer çirklənməsi, Xırdalan hava çirkliliyi, Ekoloji Təhlükəsizlik Xidməti, tullantı norması.
(055) 436-46-45
