BDYPİ sürücülərə hava şəraiti ilə bağlı xəbərdarlıq etdi
Agah.az xəbər verir ki, Daxili İşlər Nazirliyinin Baş Dövlət Yol Polisi İdarəsi (BDYPİ) mövcud hava şəraitinə görə sürücülərə müraciət edib.
Qurumun açıqlamasında bildirilib ki, hazırda Bakı, Abşeron yarımadası və bölgələrdə müşahidə olunan dumanlı, yağışlı hava şəraiti yol-nəqliyyat hadisələrinin riskini artırır. Sürücülərin hava şəraitini düzgün qiymətləndirməməsi və tövsiyələrə əməl etməməsi bədbəxt hadisələrlə nəticələnə bilər.
BDYPİ sürücüləri diqqətli olmağa çağıraraq, aşağıdakı qaydalara riayət etməyi tövsiyə edib:
- Yol və hava şəraitinə uyğun sürət həddi seçmək.
- Ara məsafəsini artırmaq.
- Xarici işıq cihazlarının işlək vəziyyətdə olmasını yoxlamaq.
- Ötmə, manevr, dayanma və durma zamanı təhlükəsizlik qaydalarına ciddi əməl etmək.
Qeyd olunub ki, respublika əhəmiyyətli yollarda fasiləsiz xidmət həyata keçirilir və sürücülərin təhlükəsizliyi üçün bütün lazımi tədbirlər görülür.
Açar sözlər: BDYPİ xəbərdarlıq, hava şəraiti, yol hərəkəti təhlükəsizliyi, sürücülərə tövsiyə, dumanlı hava, yağışlı şərait.
(055) 436-46-45
