Göyçayda sərnişindaşıyan sürücü narkotik istifadəsinə görə həbs edildi

Agah.az xəbər verir ki, Göyçay Rayon Polis Şöbəsinin Dövlət Yol Polisi bölməsinin əməkdaşları tərəfindən “Mercedes” markalı mikroavtobusun sürücüsü Murad Əfəndiyev yol hərəkəti qaydalarını pozduğu üçün saxlanılıb.

Daxili İşlər Nazirliyinin Mətbuat Xidmətinin Şəki regional qrupunun məlumatına əsasən, yoxlama zamanı sürücünün narkotik vasitə istifadəsinə əsaslı şübhələr yaranıb və tibbi müayinəyə göndərilib. Müayinə nəticəsində onun marixuana istifadə etdiyi təsdiqlənib.

Məhkəmənin qərarı ilə Murad Əfəndiyevin sürücülük hüququ iki il müddətinə məhdudlaşdırılaraq, ona 30 gün inzibati həbs cəzası verilib.

Açar sözlər: Göyçay sərnişindaşıma, narkotik təsiri altında sürücü, marixuana istifadə, sürücülük hüququ məhdudlaşdırma, inzibati həbs.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45