Avstraliyada təyyarə qəzası baş verib, pilot həlak olub

Avstraliyanın şimalında kiçik həcmli təyyarə qəzaya uğrayıb, pilot həlak olub.

Bu barədə “NT News” qəzeti məlumat yayıb.

Məlumata görə, qəza yanvarın 12-də yerli vaxtla təxminən 10:20-də (Bakı vaxtı ilə 04:50) baş verib. Təyyarə Darvindən 60 km şimal-şərqdə yerləşən Midl-Point kəndindəki bəndə çırpılıb. Təyyarədə 63 yaşlı pilot və 29 yaşlı sərnişin olub. Sərnişin xəsarət almayıb.

Bildirilib ki, təyyarə timsahların olduğu su axarlarından birinə düşüb. Xilasedicilər əvvəlcə sağ qalmış sərnişini, daha sonra pilotun meyitini təyyarədən çıxarıblar.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45