İsrailin hava hücumlarında Qəzzada azı 20 fələstinli həlak olub

Agah.az xəbər verir ki, İsrailin Qəzza zolağının müxtəlif bölgələrinə endirdiyi hava zərbələri nəticəsində azı 20 fələstinli ölüb, onlarla insan yaralanıb. Bu barədə Sinxua agentliyinə Mülki Müdafiə sözçüsü Mahmud Basal məlumat verib.

Məlumata görə, Cəbəliyada köçkünlərin yaşadığı məktəbin bombalanması nəticəsində ikisi uşaq olmaqla 8 nəfər həlak olub, 19-u uşaq olmaqla 30-dan çox insan yaralanıb.

Şucayyə və Əl-Rimal məhəllələrindəki evlərə endirilən hücumlar beş nəfərin həyatına son qoyub. Əl-Nəfəq küçəsində insanların toplaşdığı yerə atılan bombalar nəticəsində isə 4 nəfər həlak olub.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45