Burun əməliyyatından sonra komaya düşən xəstə ilə bağlı araşdırma başladı
Agah.az xəbər verir ki, 30 yaşlı Nəzrin Mansurovanın burun əməliyyatından sonra komaya düşməsi ilə əlaqədar Nəsimi Rayon Prokurorluğunda araşdırma başlanıb.
Xəstənin müalicə aldığı “Liv Bona Dea Hospital”dan bildirilib ki, Nəzrin Mansurova yanvarın 5-də kritik vəziyyətdə Reanimasiya şöbəsinə daxil olub. Hazırda onun vəziyyəti ağır olaraq qalır, xəstə süni tənəffüs aparatına qoşulub və intensiv müalicə altındadır.
Səhiyyə Nazirliyinin Analitik Ekspertiza Mərkəzi də baş verən hadisə ilə bağlı yoxlama aparır.
Xatırladaq ki, Nəzrin Mansurova burun çəpərindəki əyriliyin düzəldilməsi üçün “Mərcan” klinikasında əməliyyat olunub. Əməliyyatdan sonra onun beyninə çirk yayılması iddia edilir və vəziyyəti ağırlaşıb, daha sonra o, “Liv Bona Dea Hospital”a köçürülüb.
Açar sözlər: Nəzrin Mansurova koma, burun əməliyyatı komplikasiyası, Mərcan klinikası əməliyyatı, Liv Bona Dea xəstəxanası, burun əməliyyatından sonra kritik vəziyyət.
