İranda məcburi hicab qanunu layihəsindən imtina edildi
Agah.az xəbər verir ki, İran hökumətinin sözçüsü Fatimə Mühacirani bu gün jurnalistlərə verdiyi açıqlamada “Hicab və İffət Qanunu” layihəsindən imtina edildiyini bildirib.
Fatimə Mühacirani layihənin bəzi müddəalarının ağır sosial nəticələrə yol aça biləcəyini vurğulayaraq, hökumətin bu qanundan geri çəkildiyini açıqlayıb: “Düzgün və ağıllı addım ataraq biz ‘Hicab və İffət Qanunu’ndan imtina etdik. İranlı qadınlar qədimdən iffətli olublar”.
Qeyd edək ki, layihə İranda qadınlar üçün məcburi hicab tətbiqini daha sərt şəkildə tənzimləməyi nəzərdə tuturdu. Lakin qanunun sosial nəticələri ilə bağlı narahatlıqlar səbəbilə hökumət bu təşəbbüsdən geri çəkilib.
Açar sözlər: İran, məcburi hicab, Hicab və İffət Qanunu, Fatimə Mühacirani, qadın hüquqları, qanun layihəsindən imtina.
(055) 436-46-45
