Metapnevmovirus: Virus Azərbaycanda özünü necə göstərir
Agah.az xəbər verir ki, Azərbaycan Respublikası Səhiyyə Nazirliyinin açıqlamasına əsasən, metapnevmovirus qripəbənzər, mövsümi xarakter daşıyan respirator xəstəliklərdən biridir və əsasən dekabr-mart aylarında yayılır. Bu xəstəlik bütün dünyada geniş yayılıb və xüsusilə Çin, Qazaxıstan və Rusiya Federasiyasında qeyri-stabil epidemioloji vəziyyət müşahidə edilir.
Nazirliyin məlumatına görə, metapnevmovirus öskürək, burun tutulması, burun axması, hərarətin yüksəlməsi, nəfəs darlığı və digər simptomlarla təzahür edir. Virus daha çox kiçik yaşlı uşaqlar və immuniteti zəif olan şəxslərə təsir göstərir. Əksər hallarda xəstəlik 7-10 gün ərzində öz-özünə sağalır, lakin bronxial astma və ya xroniki ağciyər xəstəlikləri olan insanlarda ağırlaşmalar yarana bilər.
Səhiyyə Nazirliyi əhaliyə kütləvi tədbirlərdə tibbi maskalardan istifadə etməyi, əl gigiyenasına diqqət yetirməyi və vitaminlə zəngin qidalardan istifadə etməyi tövsiyə edir. Risk qrupuna daxil olan şəxslərə isə qrip əleyhinə vaksinasiyadan keçmək məsləhət görülür.
Açar sözlər: metapnevmovirus, respirator infeksiyalar, mövsümi qrip, respirator simptomlar, Səhiyyə Nazirliyi tövsiyələr, qrip əleyhinə vaksinasiya, respirator xəstəliklər, immunitet zəifliyi, bronxit, pnevmoniya.
(055) 436-46-45
