Qırğızıstanda metapnevmovirus qeydə alındı: İki yoluxma halı aşkarlandı
Agah.az xəbər verir ki, Qırğızıstan Səhiyyə Nazirliyi 2024-cü ilin son günlərində metapnevmovirus infeksiyasına iki yoluxma halının təsdiqləndiyini açıqlayıb.
Nazirliyin məlumatına görə, epidemioloji nəzarət tədbirləri gücləndirilib və pasiyentlərdən götürülən nümunələr laboratoriyalarda araşdırılır. Oktyabr-dekabr aylarında ümumilikdə 1 144 nümunə toplanıb və nəticədə iki yoluxma halı təsbit edilib.
Məlumata əsasən, metapnevmovirus Çinin şimal əyalətlərində də geniş yayılıb. Xəstəlik əsasən uşaq və yeniyetmələr arasında müşahidə olunur və simptomları COVID-19-a bənzəyir: boğaz ağrısı, öskürək, zəiflik, başgicəllənmə və titrəmə. Xəstəlik yüngül keçir, lakin immuniteti zəif olan şəxslərdə bronxit və pnevmoniya kimi ağırlaşmalar yarana bilər.
Açar sözlər: Qırğızıstan metapnevmovirus, yoluxma halı, epidemioloji nəzarət, bronxit, pnevmoniya, HMPV, COVID-19 bənzər simptomlar.
(055) 436-46-45
