Azərbaycanda uşaqlar arasında yayılmış yeni virus valideynləri narahat edir
Agah.az xəbər verir ki, son günlər Azərbaycanda uşaqlar arasında yüksək hərarət, bəlğəmli öskürək və boğaz ağrısı ilə müşahidə olunan virus geniş yayılıb. Valideynlərin narahatlığı artarkən, mütəxəssislər bunun kəskin respirator və mövsümi qrip infeksiyaları ilə bağlı olduğunu bildirirlər.
Səhiyyə Nazirliyinin mütəxəssis-eksperti, infeksionist Təyyar Eyvazovun sözlərinə görə, bu xəstəliklər uşaqlar arasında daha çox yayılır, çünki onlar risk qrupuna daxildirlər.
Virusdan qorunma yolları:
- Xəstəlik əlamətləri olan şəxslərlə yaxın təmasdan çəkinmək.
- Maska taxmaq və gigiyena qaydalarına əməl etmək.
- Əhalinin sıx olduğu yerlərdən uzaq durmaq.
- Xəstə uşaqları evdə saxlamaq.
- Üç gündən artıq davam edən yüksək hərarət zamanı həkimə müraciət etmək.
Təyyar Eyvazov, həmçinin, son vaxtlar narahatlıq doğuran “İnsan metapnevmovirusu” (HMPV) haqqında da danışıb. Onun sözlərinə görə, HMPV Çində yayılsa da, Azərbaycanda mövsümi qrip və digər respirator viruslar daha çox müşahidə olunur.
Açar sözlər: bəlğəmli öskürək, yüksək hərarət, respirator viruslar, fəsli qrip, Təyyar Eyvazov, uşaqların sağlamlığı.
(055) 436-46-45
