Hacıqabulda avtomobil qəzası: bir ailənin 4 üzvü yaralanıb
Agah.az xəbər verir ki, Hacıqabul rayonunda Bakı-Qazax avtomobil yolunun ərazisindən keçən hissəsində ağır yol qəzası baş verib. Hadisə saat 15 radələrində qeydə alınıb.
Məlumata görə, “VAZ-2107” markalı avtomobil dönmə əməliyyatı edərkən sürətlə hərəkət edən “Mercedes” markalı avtomobilin qarşısına çıxıb. Nəticədə “VAZ-2107” avtomobili idarəetməni itirərək yoldan çıxıb və restoran qarşısında dayanan digər avtomobillərə çırpılıb.
Qəza nəticəsində Sabirabad sakinləri – 2016-cı il təvəllüdlü Yusif Qəhəmanov, 2018-ci il təvəllüdlü Günel Qəhrəmanova, 1996-cı il təvəllüdlü Aminə Qəhrəmanova və 1990-cı il təvəllüdlü Vilayət Qəhrəmanlı, həmçinin Bakı sakini 2016-cı il təvəllüdlü Elvin Sarıyev müxtəlif dərəcəli xəsarətlər alıblar. Yaralılar dərhal Şirvan şəhər xəstəxanasına yerləşdirilib.
Hadisə zamanı daha iki nəfər ambulator yardım alıb. Faktla bağlı araşdırma aparılır.
Açar sözlər: Hacıqabul yol qəzası, Bakı-Qazax avtomobil yolu, “VAZ-2107” və “Mercedes” toqquşması, Sabirabad sakinləri yaralanma, avtomobil qəzaları xəbəri.
(055) 436-46-45
