Azərbaycanlı milyarder Vahid Ələkbərov ötən il 2,59 milyard dollar qazanıb
Agah.az xəbər verir ki, Bloomberg Milyarderlər İndeksinin (BBI) məlumatlarına əsasən, rusiyalı milyarderlərin ümumi sərvəti 2024-cü ildə 18,5 milyard dollar artıb. Bu siyahıda azərbaycanlı iş adamı, “Lukoyl”un həmsahibi Vahid Ələkbərov da yer alıb.
Vahid Ələkbərov 2024-cü ildə sərvətini 2,59 milyard dollar artıraraq ümumi 27,2 milyard dollar dəyərində sərvətə sahib olub. O, Rusiyanın ən zəngin şəxsləri arasında üçüncü yerdə qərarlaşıb.
Siyahının birinci pilləsində “Norilsk Nikel”in sahibi Vladimir Potanin dayanır. Onun sərvəti 736 milyon dollar artaraq 31,8 milyard dollara çatıb. İkinci yeri isə NLMK şirkətinin benefisiarı Vladimir Lisin tutub. Onun sərvəti 5,05 milyard dollar artaraq 29 milyard dollara yüksəlib.
Dördüncü və beşinci yerlərdə isə “Novatek”in həmsahibi Leonid Mixelson (24,8 milyard dollar) və “Severstal”ın benefisiarı Aleksey Mordaşov (24,2 milyard dollar) yer alıb.
Açar sözlər: Vahid Ələkbərov sərvəti, Azərbaycanlı milyarder, Rusiyalı milyarderlər, Bloomberg Milyarderlər İndeksi, “Lukoyl” sərvət artımı, 2024 milyarderlər siyahısı.
(055) 436-46-45
