Zaqatalada itlərin kütləvi şəkildə güllələnməsi araşdırılır
Agah.az xəbər verir ki, Zaqatala şəhəri Danaçı massivində zibillik ərazidə itlər kütləvi şəkildə güllələnib. Bu hadisəyə aid görüntülər sosial şəbəkələrdə yayılıb və ictimaiyyətdə narahatlıq yaradıb.
Hadisə ilə bağlı Zaqatala Rayon İcra Hakimiyyətinin “qaynar xətti”nə müraciət edilib. İcra Hakimiyyətindən bildirilib ki, məsələ ilə bağlı araşdırma aparılacaq:
“İtlərin sayı son vaxtlar çox artıb, insanlar çölə çıxanda və uşaqlar dərsə gedəndə qorxurlar. Bu səbəbdən kiminsə itləri güllələməsi və ya zəhərləməsi ehtimal olunur. Lakin məsələ araşdırılacaq”.
İcra Hakimiyyəti qeyd edib ki, itlərlə bağlı baytarlıq tədbirləri görülür və onların saxlanması üçün xüsusi yerlər mövcuddur. Bu yerlərdə itlər müalicə edilir və qayğı göstərilir. Təxminən 200-ə yaxın it bu yerlərdə saxlanılır. Hadisələrin təkrarlanmaması üçün maarifləndirmə tədbirlərinin aparıldığı da vurğulanıb.
Açar sözlər: Zaqatala itlər güllələnməsi, Danaçı massivi, Zaqatala İcra Hakimiyyəti, itlərlə bağlı araşdırma, baytarlıq tədbirləri, itlərin saxlanması, maarifləndirmə tədbirləri.
(055) 436-46-45
