“Financial Times”ın 2025-ci il proqnozları: “Bitcoin” 200 min dollara çata bilər
Agah.az xəbər verir ki, Böyük Britaniyanın nüfuzlu “Financial Times” nəşri 2025-ci il üçün siyasət, iqtisadiyyat və texnologiya sahələrində diqqətçəkən proqnozlar dərc edib.
İqtisadi proqnozlara əsasən, analitiklər “Bitcoin”in qiymətinin yüksəlişini davam etdirəcəyini və 2025-ci ilin sonuna qədər 200 min dollara çata biləcəyini ehtimal edirlər.
Siyasi sahədə isə Ukrayna ilə Rusiya arasında münaqişənin sülh müqaviləsi ilə həllinə nail olunacağı qeyd olunur. Ekspertlər hesab edirlər ki, ABŞ-ın Moskvaya qarşı sanksiyaları gücləndirməsi və Kiyevə silah tədarükü Rusiyanı sülh müqaviləsi imzalamağa məcbur edə bilər. Bununla belə, Ukraynanın təhlükəsizlik təminatları üçün bəzi ərazi güzəştlərinə gedə biləcəyi proqnozlaşdırılır.
Beynəlxalq siyasətdə İsrail və ABŞ-nin İranın nüvə obyektlərinə hücum etməkdən çəkinəcəyi bildirilir. ABŞ-nin yeni seçilmiş Prezidenti Donald Trampın isə Çinə qarşı sərt iqtisadi tarif müharibəsinə başlayacağı gözlənilir.
Avropa siyasətinə dair proqnozda isə hazırkı Fransa Prezidenti Emmanuel Makronun iqtidarda qalacağı vurğulanır.
Bundan əlavə, İlon Mask və Donald Tramp arasında ziddiyyətli fikirlər səslənməsinə baxmayaraq, onların dostluq münasibətlərini davam etdirəcəyi qeyd olunub.
Açar sözlər: Bitcoin proqnozu, Financial Times 2025, Ukrayna-Rusiya sülh müqaviləsi, Donald Tramp siyasəti, iqtisadi tarif müharibəsi, İlon Mask və Tramp münasibətləri.
(055) 436-46-45
