Polis mobil telefon oğurluğunda şübhəli bilinən 3 nəfəri saxladı
Agah.az xəbər verir ki, polis əməkdaşları mobil telefon oğurluğu ilə bağlı bir neçə fakt üzrə şübhəli şəxsləri müəyyən edib.
Metropolitendə Polis İdarəsi əməkdaşlarının keçirdikləri tədbirlər nəticəsində dekabrın 20-də bir sərnişinə məxsus, 2000 manat dəyərində mobil telefonu oğurlamaqda şübhəli bilinən, əvvəllər məhkum olunmuş 43 yaşlı T.Qarayusifli saxlanılıb.
Həmçinin, Nərimanov rayonu ərazisində yerləşən iaşə obyektində bir nəfərin 3000 manat dəyərində mobil telefonunu oğurlamaqda şübhəli bilinən 32 yaşlı J.Hüseynova 16-cı Polis Şöbəsinin əməkdaşları tərəfindən saxlanılıb. Nəsimi rayonu ərazisində baş vermiş digər oğurluq hadisəsində isə bir nəfərin mobil telefonunu oğurlamaqda şübhəli bilinən, əvvəllər məhkum olunmuş 51 yaşlı R.Səfərov 20-ci Polis Şöbəsinin əməkdaşlarının həyata keçirdiyi əməliyyat nəticəsində tutulub.
Hazırda faktlarla bağlı araşdırmalar davam etdirilir.
Açar sözlər: mobil telefon oğurluğu, polis əməliyyatı, oğurluq şübhəliləri, Nərimanov oğurluq hadisəsi, Nəsimi oğurluq əməliyyatı, saxlanılan şübhəlilər.
(055) 436-46-45
