Yasamalda binada baş verən yanğının səbəbi açıqlandı: Yeni il işığı…
Agah.az xəbər verir ki, Yasamal rayonu, Şəfayət Mehdiyev küçəsində yerləşən çoxmərtəbəli binada baş verən yanğının səbəbi müəyyən edilib. İlkin məlumata görə, yanğın sakinlərdən birinin evində Yeni il ağacında quraşdırılmış işıqların qızaraq alışması nəticəsində başlayıb.
Yanğın zamanı Fövqəladə Hallar Nazirliyinin Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzinin əməkdaşları dərhal hadisə yerinə cəlb olunub. Operativ tədbirlər nəticəsində yanğın genişlənməsinə imkan verilmədən qısa müddətdə söndürülüb.
Qeyd edək ki, hadisə nəticəsində ciddi geniş yanğın və itki qeydə alınmayıb.
Açar sözlər: Yasamal yanğın səbəbi, Yeni il ağacı yanğını, Şəfayət Mehdiyev küçəsi yanğın, çoxmərtəbəli bina yanğını, FHN operativ tədbirlər.
