Bakı-Salyan yolunda ağır qəza: 3 nəfər həlak oldu
Agah.az xəbər verir ki, Bakı şəhəri, Qaradağ rayonu, Bakı-Salyan şosesinin 15-ci kilometrliyində ağır yol-nəqliyyat hadisəsi baş verib.
Fövqəladə Hallar Nazirliyinin (FHN) məlumatına görə, “Mercedes” markalı minik avtomobili idarəetməni itirərək yol kənarındakı maneəyə çırpılıb. Deformasiyaya uğramış avtomobildə sıxılmış vəziyyətdə qalanların xilas edilməsi üçün əraziyə FHN-in Xüsusi Riskli Xilasetmə Xidmətinin əməkdaşları cəlb edilib.
Qəza nəticəsində 1960-cı il təvəllüdlü Əliyeva Xatun Tofiq qızı, 1964-cü il təvəllüdlü Əliyev Akif Əlisamid oğlu və 1967-ci il təvəllüdlü Əliyeva Lətafət Tofiq qızı həyatını itirib. Xilasedicilər tərəfindən meyitlər avtomobildən çıxarılaraq aidiyyəti üzrə təhvil verilib.
Hadisə ilə bağlı müvafiq qurumlar tərəfindən araşdırma aparılır.
(055) 436-46-45
