Lerikdə ailədaxili münaqişə: Gənc kişi həyat yoldaşına xəsarət yetirdi
Agah.az xəbər verir ki, Lerik rayonunda 27 yaşlı Elbəy adlı şəxs şəxsi münasibətlər zəminində yaranan mübahisə zamanı həyat yoldaşı Almazı döyərək ona müxtəlif dərəcəli bədən xəsarətləri yetirib. Hadisə 25 may 2024-cü ildə baş verib.
Məlumata görə, Elbəy həyat yoldaşının başqa bir kişi ilə mesajlaşdığını və ona şəkillər göndərdiyini öyrəndikdən sonra mübahisə başlayıb. Hadisə zamanı Elbəy həyat yoldaşı Almazın alın, əl, bel və boyun nahiyələrinə yumruq və təpiklə zərbələr endirib. Bundan sonra Almaz Daxili İşlər Nazirliyinin 102 xidmətinə müraciət edib.
Cinayət işi üzrə məhkəmə prosesində Elbəy özünü təqsirli bilməyib və hadisəni inkar edib. Lakin məhkəmə onun qəsdən sağlamlığa zərər vurduğunu müəyyən edərək, Elbəyi 9 ay müddətinə islah işləri cəzasına məhkum edib və qazancının 20 faizinin dövlətə ödənilməsi barədə qərar çıxarıb.
Açar sözlər: Lerikdə münaqişə, ailədaxili zorakılıq, Elbəy, Almaz, məhkəmə qərarı, islah işləri.
(055) 436-46-45
