Azərbaycan D-8 təşkilatına üzv oldu
Agah.az xəbər verir ki, Türkiyə Prezidenti Rəcəb Tayyib Ərdoğan Azərbaycanın D-8 (İnkişaf Edən Səkkiz Ölkə) təşkilatına üzv olduğunu açıqlayıb. Bu bəyanat Misirin paytaxtı Qahirədə keçirilən D-8-in 11-ci Zirvə toplantısında səsləndirilib.
Ərdoğan çıxışı zamanı təşkilatın yeni üzvlər və tərəfdaşlarla genişlənməsinin əhəmiyyətini vurğulayıb:
“Təşkilatımızı böyütmək və təsir sahəsini genişləndirmək üçün qapılarımızı yeni üzvlərə açmalıyıq. Azərbaycanın təşkilatımıza üzv olması ilə bu gün dünəndən daha güclüyük. Qardaş Azərbaycana D-8 ailəmizə xoş gəldiniz deyirəm.”
Azərbaycanın üzvlüyü təşkilatın regional və qlobal əməkdaşlıqda təsirini daha da artıracağı gözlənilir.
Açar sözlər: Azərbaycan, D-8 təşkilatı, Rəcəb Tayyib Ərdoğan, Qahirə zirvəsi, beynəlxalq əməkdaşlıq.
(055) 436-46-45
